వద్దూ - వద్దు పెళ్ళొద్దు - నీతో నా పెళ్ళొద్దు
వద్దు వద్దు వద్దు వద్దు - పెళ్ళొద్దు.
వద్దూ - వద్దు అనొద్దు

వద్దు వద్దు వద్దు వద్దు అనొద్దు.
'ఆఁ' అంటే - ఊ అంటే ఆరా తీస్తావు,
ఏదో ఏదో ఏదో సాకు చెప్పి, సోదా చేస్తావు
ఆ మాట నువ్వు అనొద్దు
చట్టాలంటావు, దొంగను పట్టాలంటావు
పడుకున్నా - ఆ గొడవే పలవరిస్తూ వుంటావు

సూటిగా గుండెలో దూరి సోదాచేస్తాను,
వాడి వాడి చూపులతో బేడీలు వేస్తాను,
కౌగిలి చెరసాలలో నిన్ను, నిన్నే ఖైదీ చేస్తాను
కనీ - వినీ యెరుగని కఠిన శిక్ష వేస్తాను
వద్దా.....వద్దు

ప్రేమంటే విలువైన జాతిరత్నం
పెళ్ళంటే దాన్ని పొదిగే పసిడి ఉంగరం,
ఉంగరాన ఉంటేనే రతనానికి అందం, ఇద్దరూ
ఒకటైతే, ఇద్దరూ ఒకటైతేనే హద్దులేని ఆనందం
వద్దా.... వద్దు.

ఇద్దరమన్నది మనలో ఎపుడో రద్దయిపోయిందీ,
అల్లరి మనసుల అల్లికలోనే పెళ్ళయిపోయిందీ
అందుకే - వద్దన్నానందుకే వద్దన్నా గాని
అసలొద్దన్నానా, ఈ నిమిషంలో పెళ్ళన్నా
నే కాదంటానా.
వద్దు మనం అనొద్దు, పెళ్ళొద్దనీ అనొద్దు,
వద్దు వద్దు వద్దు వద్దు అనొద్దు.