పల్లవి:
జడియకురా ధీరా... జడియకురా ధీరా...
సాత్విక రణ విజయము నీదేరా... జడియకురా ధీరా
ఈ పరాజయములన్నీ రేపటి జయ ఘోషలురా
ఈ పరాజయములన్నీ రేపటి జయ ఘోషలురా
పరపీడన చెర వీడక... భరతజాతి నిదురబోదు
పరపీడన చెర వీడక... భరతజాతి నిదురబోదు
జడియకురా ధీరా... జడియకురా ధీరా...

చరణం:
నమ్మిన చెలికాడు నచ్చిన బంటు
మహదేవ దేశాయి మారణమ్మైన
కలగెనా బాపూజీ కనులలో దీక్ష
సహధర్మచారిణి జగదేక పూజ్య
మాత కస్తూరిబా మాయమై చనిన
మరచెనా మానెనా మనసులో ప్రతిన
చిరునవ్వు మాసెనా వెనుకంజ వేసెనా
చిరునవ్వు మాసెనా వెనుకంజ వేసెనా
బాపూజీ మార్గమే భరతజాతికి దాస్య ముక్తి మార్గమ్మురా
భరతజాతికి దాస్య ముక్తి మార్గమ్మురా
చిరునవ్వు మాసెనా వెనుకంజ వేసెనా
బాపూజీ మార్గమే భరతజాతికి దాస్య ముక్తి మార్గమ్మురా
భరతజాతికి దాస్య ముక్తి మార్గమ్మురా.