వయసే ఒక పూలతోట
వలపే ఒక పూలబాట
ఆ తోట లో ఆ బాటలో
పాడాలి తియ్యని పాట

పాలబుగలు ఎరుపైతే
లేత సిగ్గులు ఎదురైతే
రెండు మనసులు ఒకటైతే
పండు వెన్నెల తోడైతే
కోరికలే తీరేనులే
పండాలి వలపుల పంట

నీ కంటి కాటుక చీకటిలో
పగలు రేయిగ మారెనులే
నీ కొంటె నవ్వుల కాంతులలో
రేయి పగలై పోయెనులే
నీ అందము నా కోసమే
నీ మాట ముద్దుల మూట

పొంగిపోయే పరువాలు
నింగినంటే కెరటాలు
చేరుకున్నవి తీరాలు
లేవులే ఇక దూరాలు

ఏనాటికీ మనమొక్కటే
ఒకమాట ఇద్దరినోట