పల్లవి:
వీణలోన తీగలోన ఎక్కడున్నది నాదము
అది ఎలాగైనది రాగము
వీణలోనా తీగలోనా

చరణం: 1
మాటలోనా మనసులోనా
ఎక్కడున్నది భావము
అది ఎప్పుడౌను గానము
నాదమునకు స్వరమే రాగము
మనసులోని మాటే భావము
రాగ భావములేకమైనది
రమ్యమైనా గానము

వీణలోన తీగలోనా

చరణం: 2
గతజన్మ శ్రుతి చేసుకున్నది
అది ఈ జన్మ సంగీతమైనది
సరిగమ పదనిసానిదమప గరిగ
రాగాల ఆరోహణవరోహణైనది
అనురాగ హృదయాల అన్వేషణైనది

వీణలోనా తీగలోనా

చరణం: 3
గుండెలోనా గోంతులోనా ఎక్కడున్నది ఆవేదన
అది ఎలాగౌను సాధన
గీతమునకూ బలమే వేదన
రాగమునకూ మెరుగే సాధన
గుండె గొంతుకలేకమైనవి
నిండురాగాలాపన

వీణలోన తీగలోన ఎక్కడున్నది నాదము
అది ఎలాగైనది రాగము
వీణలోనా తీగలోనా