కాషాయ వస్త్రాల కమండల ధారీ
మోక్షానికి లేదయా అడ్డదారి
పెళ్ళిచేసుకుని ప్లాటు తీసుకుని
ఆనందంలో అంతు తెలుసుకుని
సంసారాన్నే ఈదాలోయ్... సుఖసారాన్నే చాటాలోయ్...
బందుమిత్ర పరివారముతో ... బయలుదేరి పోదాం రారో...
మేళతాళాల సందళ్ళో... పాలు పంచుకుందాం రారో

మన వీరవెంకటసత్యన్నారాయణ పెళ్ళి...
చి॥ సౌ॥ నాగవెంకట రత్తన్నకుమారి తోటి...
ప్రేమ పంచాంగం తిరగేసి వీలు ఉన్నమూర్తంచూసి...
అయినవాళ్ళం అంతావచ్చి ... అంగరంగ వైభోగంగా..
పెళ్ళి చేసి ఓహో అనిపిస్తాం...
కొంగు ముళ్ళు వేసి దీవెన్లందిస్తాం..

కామి కాని వాడు మోక్షగామిగానే కాడురా...
కళ్యాణమంటే లోక కళ్యాణమేనురా..
ఉట్టే కొట్టందే... ఓ.. సొర్గం అందేనా..
జంటే కట్టందే.. ఈ.. సృష్టే పుట్టేనా..
ఇంటి దీపం వెలిగించి రంగుల లోకం చూపించి
అర్థభాగం అందించి అనంత భాగ్యం కలిగించి
బ్రహ్మచారి కొంపను కాస్తా బొమ్మల కొలువుగ చేయించి
కాపురంలో కైలాసాన్నే చూపించే ఇల్లాలే కావాలోయ్..
సో..

కోరస్:
సౌందర్యం మదగజగమనం
సౌందర్యం వరఘనజఘనం
సౌందర్యం నరసిజ నయనం
సౌందర్యం మధుమయ అధరం
సౌందర్యం సురుచిర వదనం
సౌందర్యం సుమమయ నదనం

చందమామ వస్తేగాని నింగి కందం లేదురా
చైత్రమాసం వచ్చేదాకా తోటకర్థం లేదురా
వేసవిగాలుల్లో... హే.. మల్లెల తాపుల్లా
తొలకరి చినుకల్లో.. హాయ్.. మట్టి సుగంధంలా
ఒంటరైన గుండెల్లో జంట గువ్వై చేరాలి
బ్రహ్మచారి కన్నుల్లో భామనవ్వులు వెలగాలి
అమ్మలాగ లాలించేలా రాణి లాగ పాలించేలా
నేస్తమల్లే నడిపించేలా చెంతచేరే తోడే కావాలోయ్..
సో..