పల్లవి:
యే దివిలో విరిసిన పారిజాతమో
యే కవిలో మెరిసిన ప్రేమగీతమో
నా మదిలో నీవై నిండిపోయెనే....

అనుపల్లవి:
నీ రూపమే దివ్యదీపమై
నీ నవ్వులే నవ్యతారనే
నా కన్నుల వెన్నెల కాంతినింపెనో

చరణం: 1
పాలబుగ్గలను లేతసిగ్గులు పల్లవించగా రావే
నీలిముంగురులు పిల్లగాలితో ఆటలాడగా రావే
కాలి అందియలు ఘల్లు ఘల్లుమన రాజహంసలా రావే

చరణం: 2
నిదుర మబ్బులను మెరుపు తీగపై
కలలు రేపినది నీవే
బ్రతుకు వీణపై ప్రణయ రాగములు
ఆలపించినది నీవే
పదము పదములో మధువులూరగా
కావ్యకన్యవై రావే