ఏ నిమిషానికి ఏమి జరుగునో ఎవరూహించెదరూ
ఏ నిమిషానికి ఏమి జరుగునో ఎవరూహించెదరూ
విధి విధానమును తప్పించుటకై ఎవరు సాహసించెదరూ
ఏ నిమిషానికి ఏమి జరుగునో ఎవరూహించెదరూ

కంచెయె నిజముగ చేను మేసిన కాదనువారెవరు
రాజే ఇది నాశనమని పల్కిన ప్రతిఘటించువారెవరు
ఏ నిమిషానికి ఏమి జరుగునో ఎవరూహించెదరూ

కరుణామయులిది కాదనలేరా కఠిన కార్యమనబోరా
సాద్వులకెపుడు వెతలేనా తీరని దుఃఖపు కథలేనా
ఏ నిమిషానికి ఏమి జరుగునో ఎవరూహించెదరూ

ఇనకులమున జనియించిన నృపతులు ఈ దారుణము సహించెదరా
విను వీధిని శ్రేణులుగా నిలచి విడ్డూరముగా చూచెదరా
ఏ నిమిషానికి ఏమి జరుగునో ఎవరూహించెదరూ

ఎండకన్ను ఎరగని ఇల్లాలికి ఎందుకో ఈ వనవాసాలు
తరచి చూచినా భోదపడవులే దైవ చిద్విలాశాలు
ఏ నిమిషానికి ఏమి జరుగునో ఎవరూహించెదరూ

అగ్ని పరీక్షకే నిలిచిన సాద్విని అనుమానించుట న్యాయమా
అల్పుని మాటయే జనవాక్యమ్మని
అల్పుని మాటయే జనవాక్యమ్మని
అనుసరించుటయే ధర్మమా

ఏ నిమిషానికి ఏమి జరుగునో ఎవరూహించెదరూ
విధి విధానమును తప్పించుటకై ఎవరు సాహసించెదరూ
ఏ నిమిషానికి ఏమి జరుగునో ఎవరూహించెదరూ
ఎవరూహించెదరూ...