ఏ నోము నోచిందో ఏ పూజ చేసిందో పరమేశ నీ వరముపొంది
మురిసింది ఈ కన్నతల్లి తన శ్వాసతో బంధమల్లి (2)
నువ్వే ఇచ్చినా బిడ్డే దూరమై మోడై మిగిలే ఈ తల్లి పరమేశా
తల్లి కళ్ళలో పొంగే గంగతో గుండే తడిసిపోలేదా జగదీశా
ఇటువంటి తల్లి నీకుంటే ఈశా తెలిసేది నీకు ఈ తల్లి ఘోష
నీ కన్ను అది చూడదా ఈ కంటి తడి ఆరదా

ఏ నోము నోచిందో ఏ పూజ చేసిందో పరమేశ నీ వరముపొంది
మురిసింది ఈ కన్నతల్లి తన శ్వాసతో బంధమల్లి

గుండే గొంతుగా అమ్మా అనే మాటే తనకు చాలయ్యా మహదేవా
తానే నేస్తమై తోడై పెంచిన తల్లికొడుకునోసారి కలిపేవా
చనుబాల తీపి తెలిసుంటే ఈశా కనుగొందువే ఈ పేగు బాష
చెప్పమ్మా నువు పార్వతి అమ్మంటే ఓ హారతీ

ఏ నోము నోచిందో ఏ పూజ చేసిందో పరమేశ నీ వరముపొంది
మురిసింది ఈ కన్నతల్లి తన శ్వాసతో బంధమల్లి