సాకీ 8

[శివపార్వతుల ప్రణయ నృత్యగానం]

మ్రోగిమ్రోగి మూగవైనవేలా ఆ గంధర్వ వీణలతీగెలు
ఆగనేలా పరుగు సందడుల గలగలలు
ఆ మంచు మలలందు వాగులు
ఆవైపు ఆకాశ సౌధాని కెందుకో అడ్డుగా మేఘాల తెరలు
ఆ వెనుసాగునేమో ఆది దంపతుల
పార్వతీ పరమేశ్వరుల ప్రణయ లీలలు

-: పాట :-

పార్వతి : ఏది చల్లనా
శివుడు : ఏది తియ్యనా
పార్వతి : శిరసున ఆ జాబిల్లి మల్లి పువ్వా
శివుడు : అరవిరిసిన ఆ పెదవుల లేతనవ్వా

శివుడు : ఇటు చూడు గిరిరాజ నందినీ
ఈ పూలు పరచిన వేడినీ
పార్వతి : ఎవ్వారు పరచారో గాని ఎవరి పవ్వళింపులకో
శివుడు : ఏ సురవల్లీ సుమములో
ఏరి ఏరి ఈమేసు నొచ్చునని
పార్వతి : ఏ ప్రేయసీ ప్రియుల కోసమో !
శివుడు : చేరి చేరి - ఇలా, ఇలా ఒరగవచ్చునని