ఏడుకొండలవాడా వెంకన్న సామీ.
దాసులపై దయరాదా
ఎక్కడ ఉన్నావయ్యా! గోవిందా!
మొక్కులందుకోవయ్యా గోవిందా!
ఒక్కసారి నిను దర్శిస్తే
మా చిక్కులు తీరును లేవయ్యా! గోవిందా! గోవిందా!

కొలిచినవారికి కొంగుబంగారమై
కోరిన సిరులిచ్చే యెంకన్నా
కోయని పిలిచిన ఓ-యని పలికే
కొండంత మనసే నీదన్నా
వడ్డికాసులవాడా! గోవిందా
ఆపద మొక్కులవాడా! గోవిందా
దుష్ప్రభంజనా! శిష్టరంజనా
పంకజచరణా! సంకటహరణా
ఎట్టులైన నీ పదపంకజములు
పట్టుబట్టి చేపట్టక వదలను గోవిందా! గోవిందా!

అలివేలు మంగమ్మ అలకలు పోతుంటే
కలవరపడకయ్య ఓ దేవా!
బీబీ నాంచారమ్మ బిగువు చూపుతుంటే
బెంబేలు పడకయ్య మా దేవా!
భక్తులమున్నామయ్యా గోవిందా!
భజనలు చేస్తామయ్యా! గోవిందా!
తిరుమలవాసా! దురితవినాశా
సురిచిరవేషా సుందరహాసా
పరాకుచేయక బిరానకోరిన
వరాలొసగి మము తరింపజేయరా! గోవిందా!
గోవిందా!