ఎక్కడున్నదీ ధర్మ మెక్కడున్నదీ -
మాటల్లొ వున్నదీ మనసుల్లో లేదదీ
మగువ పేరు చెప్పితేను మాతృదేవతంటారు కళ్ళకద్దుకుంటారు
ఒంటరిగా కనిపిస్తె కొంటెమాటలంటారు కోతులవలె చూస్తారు
ఆడవాళ్ళకు చదువెంతో అవసరమంటారు అలంకారమంటారు
ఈడువచ్చెనంటె ఇంట్లో కూడువండమంటారు
ఘోషా పొమ్మంటారు
పతిభక్తే ఇల్లాలికి భూషణమని చెప్తారు బుద్ధులు బోధిస్తారు.
పరకాంతల సేవతోటి పరవశమౌతుంటారు -
బ్రతుకు గడుపుతుంటారు
ఉన్నవాడు ఆశతోటి ఉడికిపోతున్నాడురా ఉబ్బిపోతున్నాడురా
లేనివాడు లేమితోటి కృంగిపోతున్నాడురా
కుమిలిపోతున్నాడురా
పంచభక్ష్య పరమాన్నం భోంచేసే దొకడురా
ఎంగిలాకులోని మెతుకు లేరుకుతినే దొకడురా
ఇదేనా సమానత్వ మిదేనా స్వాతంత్య్రం
ఇదేనా సౌభాగ్యం ఇదేనా లోకశాంతి