శపించని నన్ను నా గతం 
ఆలస్యమైందని తనకు నీ పరిచయం 
నువ్వేనట ఇక పై నా జీవితం 
శాపమైనా వరంలా తోచెనే ఈ క్షణం 

ఏమిటో ఇవాళ రెక్కలొచ్చినట్టు 
వింతగ ఆకాశమంచు తాకుతున్న 
గుండెనే కొరుక్కుతిన్న
కళ్ళు చూసినంతనే 
మనసు నవ్వే మొదటిసారి 
ఏమ్మార్పిది ఎడారి ఎండమావి 
ఉప్పెనై ముంచెనే కలే కాదుగా 
నీ వల్లనే భరించలేని తీపి బాధలే 

ఆగని ప్రయాణమై యుగాలుగా సాగిన 
ఓ కాలమా నువ్వే ఆగుమా 
తనే నా చెంతనుండగా 
తరమకే ఓ దూరమా 
నువ్వే లేని నేను లేనుగా లేనే లేనుగా 
లోకాన్నే జయించినా నీ ప్రేమ వల్ల 
పొందుతున్న హాయి ముందు ఓడిపోనా 
జారిందిలే ఝల్లుంటు వాన చినుకు తాకి 
తడిసిందిలే నాలో ప్రాణమే 
ఈ బాధకే ప్రేమన్న మాట తక్కువైందిగా 

గుండెలో చేరావుగ ఉచ్వాసలాగా 
మారకే నిశ్శ్వాసలా 
నీకే న్యాయమా నన్నే మార్చి 
ఎరుగనంతగా నువ్వలా ఉన్నావెలా 
నిన్నల్లోనే నిండిపోకలా నిజంలోకి రా 
కలలతోనే కాలయాపన 
నిజాల జాడ నీవె అంటు
మెలకువే కలే చూసే 
ఏమ్మార్పిదీ నీ మీద ప్రేమ పుట్టుకొచ్చే 
ఏం చేయను నువ్వే చెప్పవా 
ఈ బాధకే ప్రేమన్న మాట తక్కువైందిగా 

ఏమిటో ఇవాళ రెక్కలొచ్చినట్టు 
వింతగా ఆకాశమంచు తాకుతున్న 
గుండెనే కొరుక్కుతిన్నా 
కళ్ళు చూసినంతనే 
మనసు నవ్వే మొదటిసారి 
ఏమ్మార్పిది ఎడారి ఎండమావి 
ఉప్పెనై ముంచెనే కలే కాదుగా 
నీ వల్లనే భరించలేని తీపి బాధలే