ఎవరికోసం ఎవరికోసం
ఈ ప్రేమమందిరం ఈ శూన్యవందనం
ఈ భగ్న హృదయం ఈ అగ్నిగుండం
ఎవరికోసం ఎవరికోసం ఎవరికోసం

ప్రేమభిక్ష నువ్వే పెట్టి
ఈ పేద హృదయం పగులగొట్టి
పిచ్చివాణ్ణి పాత్ర లేని బిచ్చగాణ్ణి చేశావు
నువ్వివ్వనిది దాచలేను ఇంకెవ్వని అడుగలేను
బతుకు నీకు యిచ్చాను చితిని నాకు పేర్చావు

ఎవరికోసం ఎవరికోసం
ఈ ప్రేమమందిరం ఈ శూన్యవందనం
ఎవరికోసం ఎవరికోసం ఎవరికోసం

ఓర్వలేని ఈ ప్రకృతి ప్రళయంగా మారనీ
నా దేవి లేని ఈ కోవెల తునాతునకలై పోని
కూలిపోయి ధూళిలో కలసిపోని
కాలిపోయి బూదే మిగలనీ

ఎవరికోసం ఎవరికోసం
ఈ ప్రేమమందిరం ఈ శూన్యవందనం
ఎవరికోసం ఎవరికోసం ఎవరికోసం

మమత నింపుకున్నావు మనసు చంపుకొన్నావు
మధువు తాగనన్నాను నిషం తాగమన్నావు
నీకు ప్రేమంటే నిజం కాదు
నాకు చావంటే భయం లేదు
నీవిరహంలో బ్రతికాను ఈ విషంతో మరణిస్తాను
మరణిస్తాను