సాకీ:
ప్రాజెక్టువచ్చి మన పిల్ల కాలువలు
నురుగులు గ్రక్కుతూ వరుగులు తీయాలి
వన్నె చిన్నెల పైరు కన్నె సింగారించి
నును సిగ్గుతో తలవంచుకోవాలి

పల్లవి:
ఆడుతూ పాడుతూ ఆనందంగా వసంతమాడాలీ
జోరుగ వసంతమాడాలి
వెల వెల బోయె బ్రతుకుల్లోన వెన్నెలగాయాలీ
చల్లని వెన్నెల గాయాలీ

చరణం: 1
పాడిపంటలు పల్లెసీమలను
పచ్చపచ్చగా చెయ్యాలి
ధాటి మీరగా గిత్తలజోడు
పోటురంకె లెయ్యాలి
ముసి ముసి నవ్వులు ముఖాలలోన
గుస గుసలాడాలి
కష్టజీవి తన కలలు ఫలించి
మీసం పై చెయ్యి వెయ్యాలి

చరంణం: 2
నీ ఒయ్యారం ధాన్యలక్ష్మికి
వంపులు సొంపులు దిద్దాలి
సిగలో చెక్కిన పూలచెండు
భూదేవికి హారం కావాలి
ఓరచూపులతో తియ్యని తలపులు
ఉక్కిరి బిక్కిరి చెయ్యాలి
ఏటేటా ఈ వసంతాలలో
తడిసి ముద్దై తీరాలి
మనం తడిసి ముద్దై తీరాలి