అల్లీ బిల్లీ ఆటలతో
అర్థం తెలియని మాటలతో
చదువుల బడిలో... దేవుడి గుడిలో
ఒకరికొకరుగా పెరిగాము !
ఇపుడిద్దరమొకటై నిలిచాము !!

రేకులు విరిసిన వేకువ నువ్వు!
ఆకులు రాలని ఆమని నువ్వు !
నందకిశోరుని మోవి చివురుపై
నర్తించే దరహాసం నువ్వు !!

అలు పెరుగుని మగసిరినీ
అగుపించని గడసరిని
వరముగ బడసిన
హిమగిరి నువ్వు!!

పడగెత్తిన పరువం నువ్వు!
పాలకడలి తరంగం నువ్వు !
పార్వతి యెదలో తాండవమాడే
పరమశివుని ప్రతిరూపం నువ్వు!

సరిగమలే ఒరవడిగా
పదనిసలే నడవడిగా
అడుగులిడెడు కలహంసవు నువ్వు!!