శివ గోవింద గోవింద హరి గోవింద గోవింద
శివ గోవింద గోవింద హరి గోవింద గోవింద

సంతానమే లేక స్వర్గమే లేదని
చిట్టి పాపను తెచ్చి పెంచుకుంటారు
సంతానమే లేక స్వర్గమే లేదని
చిట్టి పాపను తెచ్చి పెంచుకుంటారు
సంతు కలిగిందంటే చిట్టి పాపాయి గతి
శ్రీమతే రామానుజాయ నమ

శివ గోవింద గోవింద హరి గోవింద గోవింద

తమ బాగు కోసమై తంటాలు పడలేరు
ఎదుటి కొంపకు ఎసరు పెడతారయా
పొరుగు పచ్చకు ఓర్వలేని వారి గతి
శ్రీమతే రామానుజాయ నమ

శివ గోవింద గోవింద హరి గోవింద గోవింద

పొరుల కోసం త్యాగమొనరించు వారొకరు
పరుల మోసం చేసి బ్రతుకు వారింకొకరు
పొరుల కోసం త్యాగమొనరించు వారొకరు
పరుల మోసం చేసి బ్రతుకు వారింకొకరు
ఉపకారికే కీడు తలపెట్టు వారి గతి
శ్రీమద్రమారమణ గోవిందో

శివ గోవింద గోవింద హరి గోవింద గోవింద

కలిమి లేనన్నాళ్ళు కలిసి మెలిసుంటారు
కలిమి చేరిన నాడు కాట్లాడుకుంటారు
కలిమి పెంచే కాయ కష్ట జీవుల పని
శ్రీమతే రామానుజాయ నమ

శివ గోవింద గోవింద హరి గోవింద గోవింద

ఆనాడు శ్రీ యోగి వీరబ్రహ్మం గారు
కాలజ్ఞానము బోధ చేశారయా
ఆ నాడి శ్రీ యోగి వీరబ్రహ్మం గారు
కాలజ్ఞానము బోధ చేశారయా
ఈనాడు కొడసరి వెంగళప్ప మాట
అక్షరాలా జరిగి తీరేనయా

శివ గోవింద గోవింద హరి గోవింద గోవింద
శివ గోవింద గోవింద హరి గోవింద గోవింద