అల్లి బిల్లి చిట్టిపాప
మన మందర మొకటే చిట్టిపాప
ఆడుతు పాడుతు చదవాలి
ఆ చదువే సంపద కావాలి
ఆవుల రంగులు వేరైనా
పాలది ఒకటే రంగు
పూవుల రంగులు వేరైనా
పూజ మాత్రం ఒకటే

ఎన్నో పేరులు ఉన్నా దేముడు మాత్రం ఒకడే
ఆ సత్యం తెలియాలి సఖ్యత కలపాలి

గాలి నేల నీరు నిప్పు ఆకాశం
అయిదు కలసి రూపొందెను ఈ భూగోళం
ఎన్నో జీవులు ఉన్నా
మానవ జన్మే మిన్నా

ఆ.... మనిషిగ బ్రతకాలి మంచిని పెంచాలి
సూర్యుని కిరణాలెంతో వేడిగా ఉంటాయి
సంద్రపు నీళ్ళు ఎండకు ఆవిరి అవుతాయి
ఆవిరి మబ్బులు కాగా వానలు కురియును బాగా

ఆ ఎండలు ఉంటేనే వానలు పడతాయి
వానలు పడితేనే
చేనులు పండేది.
ఆహా....!