పల్లవి:
అమ్మయ్యో ఆడొచ్చి ఈడొచ్చి గిల్లమాక పిల్లగాడా
అబ్బబ్బో చెంగిచ్చి చెయ్యిచ్చి వెళ్ళిపోకు పిల్లదానా
నీ చురుకు దుడుకు చూస్తుంటే
నీ వగలు సెగలు మేస్తుంటే
సిగ్గూ బుగ్గా అన్నీ చిక్కే మోత మోత మోతగా

చరణం: 1
చిలక పలికింది చిగురు తొడిగింది చెట్టుకొమ్మ వంచేయనా ఓ..
గువ్వ కులికింది గుండె పలికింది వెచ్చనైన ముద్దాడనా

చూసుకో ఓపిక యిప్పుడే గోపిక
చేసుకో తీరిక పుచ్చుకో కానుక
విందులు చేస్తే ముందుకు వస్తా ముద్దే యిచ్చేస్తా
అంతటితోటి ఆగకపోతే అన్ని యిచ్చేస్తా
అయితే గియితే నీ సొత్తే దోచేస్తా

చరణం: 2
పిట్ట పలికింది తేనె వలికింది జోరు వలపు లందించనా
ఆకు వణికింది సోకు చిలికింది బంతిపూల పక్కేయనా

ఊపిరే ఆపినా చూపులే ఆగునా
ఆగవే అమ్మడూ రేగితే ఆగదు
ఒత్తిడి వీరా హత్తుకు పోరా ఒళ్ళే యిచ్చేస్తా
తాకిడి పిల్లా తట్టెడు పూలు తల్లో పెట్టేస్తా
ఓకే నీకే నా సోకు లిచ్చేస్తా