పల్లవి:
జర్రు జటక్కూ పోలీసు మామా
లవ్ లటక్కూ లాఠీల భీమా
కత్తెర కష్టం చూస్తావా
కౌగిళ్ల పట్టు చూస్తావా
వస్తావా చూస్తావా ఆటకు పందెం ఆమ్మాడి యమ్మా

జర్రు జటక్కూ చక్కని చుక్క
లవ్ లటక్కూ చెమ్మల చెక్క
వేసిన ఎత్తులు చూశాలే! టక్కరి జిత్తులు కాశాలే!
చూస్తావా కాస్తావా దెబ్బకు దెబ్బా అబ్బ నీయబ్బ

చరణం 1
ఈడొచ్చి కూకున్నది అది కోడల్లె కూస్తున్నది
సోకెక్కువౌతున్నది అది నీ సొత్తు రమ్మన్నది
జంతరు మంతరు గంతులువేస్తే తంతర తందానా
చీటికి మాటికి జేబులు కొడితే చీకటి ఢిల్లానా
సరదాగా సంకెళ్లు వెయ్యి
ఎదలోనే ఖైదీని చెయ్యి
లూఠీ చేస్తే తంతాలే లాఠీ చార్జీ చేస్తాలే
నీ వెంటే నేనుంటా తిమ్మిరి లేడీ టక్కరి కేటీ

చరణం 2
పరుసుల్ని కొట్టెయ్యకే మంచి మనసుంటే దోచెయ్యవే
పరువాలు పెంచెయ్యకే వున్న పరువయినా దక్కించవే
ఉక్కిరి బిక్కిరి కౌగిలిపడితే కిక్కురు మంటావా
చిక్కని చెక్కిలి చేతికి యిస్తే చుక్కను పెడతావా
పడుచందం పందిరి వెయ్యి
గడుసందం కానుక లియ్యి
ఎన్నడూ లేని సిగ్గమ్మా పుట్టుకు వచ్చే తగ్గమ్మా
నీ జంటే నేనుంటా ముద్దుకు ముద్దూ రేపటి పొద్దు