అటుఎన్నెల ఇటుఎన్నెల
ఎటుచూస్తే అటుఎన్నెల
ఓరందకాడ బంగారు సామీ
నా మనసు ఎవరిపాలు సేతునురా
ఈ వయసు ఎవరిపాలు సేతునురా

మీదజూస్తే సందమామ
కిందజూస్తే తెల్లకలువ
మల్లెమొగ్గల నవ్వు నవ్వకురా
ఓరందకాడ బంగారుసామీ
నవ్వులోనే తెల్లవారునురా

ఏరులా ఎన్నెలంతా
జారిజారి పారిపోతే
ఏటికెడద అడ్డమే సెదరా
ఓరందకాడ బంగారుసామీ
నీటిమీదే కొంగు పరతునురా

ఆశ పెట్టే లేత పెదవి
ఆవులించే దోరవయసు
కన్నునిన్నే కౌగలించెనురా
ఓరందకాడ బంగారుసామీ
నిన్నుజూస్తే మనసు నిలువదురా
ఇలా నిన్నుజూస్తే మనసు నిలువదురా