దయలేదా నీకు దయలేదా
ప్రాణసఖునిమీద దయలేదా
చిటపట చినుకుల దుప్పటి తడిసెను
కటకట నాపై దయలేదా
నడివీధిలోనే నడిరేయిదాటే
పడతిరో ఇసుమంత దయలేదా
రాథా చూడుబాధ, కరుణలేదా, అలుకపోదా
ఏలా, పంతమేలా, తాళజాలా, విరహజ్వాలా

చాలు నీ పదాలు బూటకాలు నాటకాలు
ఆలు ఎర్రతేలు దానికాలు నీకు మేలు
సత్య మీద చూపించు హెచ్చుతున్న వలపు
తట్టితట్టి ఏడ్చినా తీయనోయి తలుపు
దయచేయి నువ్వు దయచేయి
దాని యింటికే దయచేయి
అలదాని యింటికే దయచేయి

భామా సత్యభామా
విజితహేమా చూడు ప్రేమా
ఒట్టు నన్ను తిట్టు
జడనుకొట్టు, వలదు బెట్టు
మగువ లెందరున్ననూ మరులుకొంది అత్త
మగవారి మోసాలు మాకు కావు కొత్త
కల్లబొల్లి మాటలు మేము యింక నమ్మం
వెళ్ళువెళ్ళు చేరుకో రాధ పెరటిగుమ్మం

దయచేయి నువ్వు దయచేయి
దాని యింటికే దయచేయి
అల దానియింటికే దయచేయి
దయలేదా మీకు దయలేదా
ప్రాణ సఖునిపైన దయలేదా
బ్రతుకు వీధిపాలాయెను దయలేదా

వచనం:
అంకటి కపట నాటక సూత్రధారియగు మురారి

అమ్మగువల నేమ్మనమున తన మాయవల్ల ఏమి తోపించినా,
డనగా తానొక్కడే మగడు వాని కెందరో సఖులు

సొగసౌ తేనెకు తుమ్మెద
జగతిని వేవేల లతల చరియించదొకో
మగవాడు నటులే కాదా
మగువా నీ మనసులోన మచ్చరమేలే
అంతట అయ్యంగనా మణులు తమముంగిళ్ళు
వీడి ఏమనుచున్నారనగా .....

రావోయి కృష్ణ రావోయి
రాధ యింటికే రావోయి
ప్రేమధామ యింటికే రావోయి
రావోయి కృష్ణ రావోయి
భామయింటికే రావోయి
ముద్దు భార్య యింటికే రావోయి

శ్రీ కృష్ణ అహం | మీ యిద్దరూ నేస్తం కడితేగాని
నే రాను అని చేతులు కలుపుతున్నాడు.

కోరస్:
రావోయి కృష్ణ రావోయి రాస క్రీడకూ రావోయి
అల రాసకేళికే రావోయి