ఊగవే ఊగవే ఉయ్యాలా ...
ఊరువాడా మెచ్చ జంపాలా
వెలుగునీడల నడుమ వెలిగిపోతూవున్న
చిలిపి నవ్వుల రాధ అలసిపోయేదాక ...

|| ఊగవే ||

ఇంతలోనె ఏవిటీ వింత ... ?
ఈడొచ్చి కూకుంది మనకంత ...!
ఈడొస్తే సరిపోదు ఉయ్యాలా ... మంచి
జోడూ కుదరాలమ్మా జంపాలా !!

మందార మొగ్గంటి అందాలరాశివి
నీకేమి తక్కువే ఉయ్యాలా !
మొగలిరేకూలాంటి మగసిరీ గలవాడు
నిన్నెగరేసుకెళతాడె జంపాలా !
అక్క పెళ్ళికి ముందు ఉయ్యాలా !
ఆ పప్పు ఉడకదే జంపాలా !!