బుగ్గమీద ముద్దు పెట్టనా
ముద్దుమీద ఒట్టు పెట్టనా
ఒట్టు పెట్టి ఓడించనా
ఓడగొట్టి గెలిపించనా
గెలిచినట్టు గురుతు పెట్టిపోనా

నడుము నీకు వప్పజెప్పి నడవనా అదినీ
పిడికిలంత లేదంటే నవ్వనా
గొప్పగా చెప్పుకోకు నీ నడుము సన్నన ఒక్క
గుప్పెడే నువ్వుండె నా గుండె తెలుసునా

సొగసులోని రంగులన్ని చూడనా - చూచి
వయసులోని పొంగుతోటి రంగరించనా
రంగురంగు కలలతో రాతిరంత గడపనా
రమ్మనీ తలుపులన్నీ తెరిచి వేచి వుండనా