నా మనసు పిచ్చి ముండ
ఇన్నాళ్ళు దాచాను ఇవ్వకుండ
అది నీకోసమేరా అట్ట రాసుందిలేరా బంగారు కొండ
నా మనసు పాలకుండ
ఇన్నాళ్ళు దాచాను జారకుండ
అది అందించినాను ఇక పొంగించు పాలు-బంగారుకొండ

మనసిచ్చేంతవరకే మంచిదాన్ని
ఇచ్చాక మా చెడ్డ చుప్పనాతిని
చుప్పనాతి మనసెంత మంచిదని
కంటికి రెప్పల్లె కాస్తుంది ప్రియుడ్ని
అటు ఇటు చూశావా అడ్డదారి తొక్కావా
కళ్ళకు కట్టేస్తా గంతల్ని కాళ్ళకు వేసేస్తా బంధాల్ని
కళ్ళయినా కాళ్ళయినా నీతోటి కలిసే చూడాలి
నీ బాటగానే నడవాలి బంగారుకొండ ॥ నా మనసు ॥

ఒక సన్నాయి మ్రోగింది గుండెలోన
అది కళ్యాణ మేళంగా అనుకోనా
రెండు గుండెలు ఒక తాళం వేసినప్పుడే
నిండుగ ఉంటుంది ఏ మేళమైనా
చెంపల నిగ్గులలో చిగురించే సిగ్గులతో
ముగులు వేశావు ముంగిలిలో
లగ్నము చూశాను దగ్గరలో
ముగ్గులైనా లగ్నమైనా
నీ యింటి వాకిటే వేస్తాను
నీ జంటలోనే చూస్తాను బంగారు కొండ ॥ నామనసు ॥