పల్లవి:
చీకట్లో శ్రీ రామ వాకిట్లో జయరామ
వయసొచ్చెరా మేనమామా
చీకట్లో సిగ్గంత వాకిట్లో ఒగ్గేసి
వచ్చావులే ఓసిభామా
ఎన్నెట్లో కూకుంటే ఏడెక్కి నా ఒళ్ళు
కుట్టిందిరా ఎర్రసీమ
ఏడకుట్టింది ఓ కుర్రభామా
పాడుసీమ కుట్టనేల ప్రేమ పుట్టనేల
తిప్పలొచ్చే తీపిమామా

చరణం: 1
ఈడు వచ్చి ఒళ్ళు బలిసే ఒంటికున్న కళ్ళు మెరిసే
చిలకెంత కిస్తావే భామా పండెంత కిస్తావే భామా
బేరమాడే చూపు తెలిసే బెంగపడ్డా కళ్ళు తెలిసే
ముద్దిచ్చుకుంటావ మామా మూటిచ్చుకుంటావమామా
ఈ కళ్ళ ఆరాలు నీ కాళ్ళ బేరాలు
నాకాడ వద్దోసి భామా తట్ట తాకట్టు పెట్టెయ్యి భామా
నిన్ను కంట చూసిన్నాడే బుట్టలో పడ్డాను
నా జంట నువ్వేర మామా

చరణం: 2
రేతిరంతా రెప్పగొడవా మూతపడనీ కంటి గొడవ
ఏమిస్తే వస్తావు మామా మన సెంతకిస్తావు మామా
పిందెనాడే పిట్టముసిరె పండుగానే పైటలెగిరె
నా కెందుకే నువ్వు భామా నీ కేసు నాకొద్దు భామా
నీ కొత్త పాఠాలు నీ పక్కవాటాలు చూశానులే సుక్కమామా
సందు చేశానులే సందమామా
నేను దారి తప్పాలేదు వేధించకే వెర్రి భామా