పల్లవి:
కదం తొక్కి కదులుతోంది కంచుకాగడా
కదనానికి సాగుతోంది క్రాంతి బావుటా
యుగయుగాల చీకటిపై పగబట్టిన కాగడా
తరతరాల దోపిడిపై తిరుగుబాటు బావుటా

చరణం: 1
ఆకలి కడుపుల చీకటి బ్రతుకుల
అరణ్యరోదన ఎన్నాళ్ళు... ఇంకెన్నాళ్ళు
సాటి మనిషి పై నిరంకుసంగా
అన్యాయానికి బలై పోయిన అన్నదమ్ములూ
వేస్తున్నానే పొలికేక
రంకెలు పెడుతూ రణరంగానికి
కలిసిరండిరా కడదాకా

చరణం: 2
ప్రచండ వేగ ప్రభంజనంలా
ప్రభాతానికై పయనిద్దాం
పిడుగుపాటుగా ప్రతిధ్వనిస్తూ
పీడకులను తుదముట్టిద్దాం
విలయరుద్రులై వీరభద్రులై
విచ్చుకత్తులను ఝుళిపిద్దాం
రక్కసిమూకల గుండెలు చీల్చి
రక్తవసంతం చిందిద్దాం
రక్తవసంతం చిందిదాం..