చిత్రా చిత్రాల బొమ్మా - పుత్తడీ పోతబొమ్మా
మొత్తా మొత్తంగ వచ్చి_చిత్తాన్నే దోచెనమ్మా
పైలా పచ్చీసు బొమ్మా - పరదేశీ ఆటబొమ్మా
ముచ్చల్లే వచ్చి వచ్చి - మచ్చేదో చల్లెనమ్మా
॥చిత్రా॥

టేకు మానల్లే చక్కంగా వుంటాడు
ఆకు తేలల్లె చల్లంగా వస్తాడు
సోకంతా సూపుల్లో సూపుతాడు. ఆ
సూపులతో ఒళ్ళంతా పాకుతాడు

పువ్వు తీగల్లే నాజూగా వుంటుంది
బొండు మల్లల్లె నిండుగా నవ్వుతుంది
నవ్వుల్లో చాణాలు రువ్వుకుంది అబ్బ
రువ్వుతూ ప్రాణాలు తోడుతుంది

వాడిబాకల్లే గుచ్చుతుంది గుండెలో
లేడి పిలలై గెంతుతుంది ఇంతలో....
దీపమల్లె వెలుగుతుంది దీవిలో
తెర చాపలాగ ఎగురుతుంది నావలో

అలలు అలలుగా వూగుతాడు మనసులో
కలలు కలలుగా వస్తాడు కళ్ళలో
కడలిలా వుంటాడు లోతులో
చలమలాగ వూరుతాడు చెలిమిలో