ఎందుదాగినావురా నందకిశోరా నవనీతచోరా
ఎందెందు వెదుకుదురా ఎటులా కనుగొందురా

మన్ను తినాబోయావో పొన్న చెట్టు నెక్కావో
వెన్న దొంగిలించి ఏ వెలది యింట పొంచావో
ఆ రాధ నిన్ను ఎక్కడ దాచిందో
పెట్టెలో పెట్టిందో బుట్టలో దాచిందో
పైటకొంగులో నిన్ను ముడివేసుకున్నదో
ఎక్కడని వెతికేది
ఇక్కడ — అక్కడ
ఎక్కడ — మరెక్కడ ....

భామా, సత్యభామా చెప్పమ్మా
నేను రుక్మిణిని కాను రాధను కాను
గోపికను కాను నీ భర్త నెత్తుకుపోను
నీడగా దొరికినా — లీలగా మెరిసినా
కనబడితే చాలు నాకు కనక వర్షాలు
ఎక్కడని వెతికేది
ఇక్కడ — అక్కడ
ఎక్కడ - మరెక్కడ