పల్లవి:
ఏం పిల్లో తత్తర బిత్తర గున్నావు
ఎందుకో గాభర గీభర తిన్నావు
చిలిపి నవ్వులతొ కవ్వించు మోము
చిన్నబోయింది ఈనాడదేమో

చరణం : 1
అందని కొమ్మలకు నిచ్చెన వేశావు
అయ్యొ గాలిలోన మేడలు కట్టావు
వలచిన పేదవాణ్ణి చులకన చేశావు
బులుపేగాని వలపేలేని
టక్కరి వాళ్ళ నమ్మి చిక్కుల పాలైనావు

చరణం: 2
నీ ఒయ్యారపు వాలు చూపులతొ
ముసలివాణ్ణి వూరిస్తున్నావు
పడుచువాణ్ణి చేసేస్తున్నావు
బంగరు బొమ్మా పలుకవటమ్మా
మోజు దీర్సవే ముద్దులగుమ్మా

చరణం: 3
నీపై కన్నేసి వేషాలేశాను
మెత్తని నీ మనసు గాయం చేశాను
చేసిన తప్పులకు చెంపలేసుకుంటాను
నువు దయజూపితే నను పెళ్ళాడితే
నిందలు వేసినాళ్ళ నోళ్ళు బందుచేస్తాను