పల్లవి:
ఎవరు వింటారు
మూగ కన్నీట కరిగే నా పాట

చరణం: 1
అన్ని వన్నెలు, ఆ దేవుని కల్పనలే
ఉభయ సంధ్యలు - తెలుపు నలుపుల
కలయికలే
మరి తెలుపంటే ఎందుకు మోహం
నలుపంటే ఎందుకు ద్వేషం

చరణం: 2
నల్లని కనుపాప లేనిదే చల్లని చూపే లేదు
నల్లని రాతిరి లేనిదే ఎర్రని ఉదయం లేదు
మరి! వెలుగంటే ఎందుకు మోహం!
చీకటంటే ఎందుకు ద్వేషం

చరణం: 3
కురిసే కన్నీరు - వెలిసే ఆ రోజు వస్తుందా?
కొలిచిన దైవం కోరిన వరమే యిస్తుందా?
తోడు లేక నీడ లేక వసివాడివున్న
నా మోడు బ్రతుకులో కళ్యాణ గీతం పలికేనా?