(గమనిక: వేటూరి సుందరరామ మూర్తి, వీటూరి వెంకట సత్య సూర్యనారాయణమూర్తి ఇద్దరు వేరు వేరు, కానీ వీరిద్దరు పాటలు రచయితలు. ఈ పాట రాసింది వీటూరి వెంకట సత్య సూర్యనారాయణమూర్తి)

పల్లవి :
పంచరంగుల చిలకల్లారా !
పరువాల మొలకల్లారా !
నే మెచ్చే వారే రావాలి!
మనసిచ్చే వారే కావాలి!

అందం చందం చూసుకో
బాగా ఎన్నిక చేసుకో !
అన్నీ కుదిరితే
అప్పుడే పెళ్ళి చేసుకో

దేశంలోని దరిద్రమంతా
మీ దుస్తుల్లో నే కనిపిస్తోంది
సిగ్గూ ఎగ్గూ లేని ఆడదాన్ని
చూస్తేనే పాపం వస్తుంది
ఆహాఁ అయినా అమ్మాయి
వంటా వార్పూ వచ్చునా....?
పిల్లల పోషణ తెలుసునా...?
ఐ హేట్ చిల్డ్రన్
సంసారాన్ని బాగా నడిపే
ఓర్పు, నేర్పూ మీకుందా...?
ఐయామ్ సారీ

ఆడా మగా తేడా లేదు
ఆనందానికి హద్దే లేదు
సుఖించడం మా సిద్ధాంతం
రా-రా-రా-ఎందుకు రాద్ధాంతం
హరి-హరె-హరె రామా-
హరే హరే హరె కృష్ణా

ఆడామగా తేడా తెలియని
ఆడది నాకొద్దండీ!
ఆదివాసుల వారసులారా !
అడవులలోకే వెళ్ళండి!
మృగాల వలెనే బ్రతకండి

గుంటూరు గోంగూర తినిపిస్తాను
తియ్యనైన ఎంకి పాట వినిపిస్తాను
గుట్టుగా కాపురం చేస్తాను
పండులాంటి కొడుకునే యిస్తాను.
గుమ్మడి పండులాంటి కొడుకునే యిస్తా

రావే బంగరు బొమ్మా
నా రమణి ముద్దులగుమ్మ!!