పల్లవి:
ఇదేనన్నమాట ఇది అదేనన్నమాట
మతి మతిలో లేకుంది మనసేదోలాగుంది అంటే

చరణం: 1
ప్రేమంటే అదోరకం పిచ్చన్నమాట
ఆ పిచ్చిలోనే వెచ్చదనం ఉన్నదన్నమాట

మనసిస్తే మతిపోయిందన్నమాట
మతిపోయే మత్తేదో కమ్మునన్నమాట

చరణం: 2
కొత్తకొత్త సొగసులు మొగ్గ తొడుగుతున్నది
అవి గుండెలో ఉండుండి గుబులు రేపుతున్నది
కుర్రతనం చేష్టలు ముద్దులొలుకుతున్నవి
అవి కునుకురాని కళ్లకు కలలుగా వచ్చినవి

చరణం: 3
ఆడదాని జీవితమే అరిటాకు అన్నారు
అన్నవాళ్ళందరూ అనురాగం కోరారు
తేటి ఎగిరిపోతుంది పువ్వు మిగిలిపోతుంది
తేనె ఉన్న సంగతే తేటి గుర్తు చేస్తుంది

చరణం: 4
వలపే ఒక వేదన... అది గెలిచిందా తీయన
కన్నెబ్రతుకే ఒక శోధన కలలు పండిస్తే సాధన
మనసు మెత్తబడుతుంది కన్నీటిలోన
మమతల పంటకదే తొలకరివాన