నువ్వు నేనూ ఏకమైనాము..
ఇద్దరము, మనమిద్దరము ఒక లోకమైనాము
లోకమంతా ఏకమైనా...వేరుకాలేము, వేరుకాలేము
కళ్ళు నాలుగు కలిపి మనము ఇల్లు కడదాము
అందులో మన..చల్లచల్లని వలపుదీపం నిలుపుకుందాము
పసిడి మనసుల పట్టెమంచం వేసుకుందాము
అందులో మన పడుచు కోర్కెల మల్లెపూలు పరుచుకుందాము

చెలిమితో ఒక చలువ పందిరి వేసుకుందాము
కలల తీగల అల్లిబిల్లిగ అల్లుకుందాము
ఆ అల్లికను మనజీవితాలకు పోల్చుకుందాము
ఏ ప్రొద్దుగాని వాడిపోని పువ్వులవుదాము..
లేత వెన్నెల చల్లదనము. నువ్వు తెస్తావు
అందులో నీరెండలోని వెచ్చదనము నువ్వు ఇస్తావు
సూర్యచంద్రులు లేని జగతిని సృష్టి చేద్దాము
అందులో యీ సృష్టి కెన్నడులేని సొగసు మనము తెద్దాము