జండా
జై హింద్ అని ఎగరాలి
మన ప్రతిష్ఠ పెంచాలి

ప్రజహితం తన విధానమంటూ
జ్వలించే జనించే యువ ప్రభాతం
సమాజ ద్రోహుల సమాధి చేయగా
ప్రతిజ్ఞ చేసే అశోక చక్రం
యజ్ఞగుండమై బుగ బుగలాడిన
జాతిపౌరుషం ఈ చైతన్యం
నిశ్చయ నిర్భయ హిమాలయమై
యువత గుండె గర్జించిన సమయం

జండా
జై హింద్ అని ఎగరాలి
మన ప్రతిష్ఠ పెంచాలి

ఉరుముల మెరుపుల ఉద్రేకముతో
పిడుగై పడినది చేడుపై లాఠి
పిడికిలి బిగించి విజ్రుభించి
నేరస్తుల పాలిట ప్రళయ దూర్జటి
చీకటి కొండల చీడలా పెరిగిన
కీచక మూకల ప్రకంపం
శివం ఎత్తినది..కదం తొక్కినది
ఖాఖి కట్టిన జంజా పవనం

జండా
గర్జించినది జండా
గంభిరమైన జండా

ప్రచండ స్వభావ విప్లవ సింహం
అయ్యింది ప్రపంచ శాంతి కపోతం
సమాజ శిల్పం చెక్కగ నిలిచెను
తూఫాను గుండెల ప్రభాత దీపం
ప్రజా పీడకుల దురాగతాలకు
అరచాకాలకు సమూల చేదం
స్వదేశ విదేశ వినాశకులపై
ఉక్కుపాదముల ఉల్కాపాదం

జండా
విధి మార్చు జండా

అనలం అనిలం అజ్వం కలిసిన
రాజకీయ ప్రక్షాళన యగ్నం
న్యాయం చట్టం రెక్కలు కాగల
ధర్మ బద్ద రాజ్యాంగ విహంగం
ప్రపంచ భ్రమణం..సముద్ర చలనం
అతిక్రమించే యువ సంచలనం
ధరిత్రి పధమున త్రిమూర్తులు ఒకటై
శ్వాశత ప్రగతికి తపించు తరుణం

జండా
స్వతంత్ర భారతం జాతి పతాకం
దాల్చేను నేడీ విశ్వరూపం
మహా సముద్రం హిమగిరి శిఖరం
మరో ప్రపంచపు జయ సంకేతం
మానవాళికిది శుభపరిణామం
సహస్రాబ్ధికి సువర్ణఘట్టం
కాకుడదు ఇది ఇలలో స్వప్నం
నిలవాలి ఇది కలకాలం
జయ జయ ఘోషలు
రెప రెపలు కాగా
జండా ఎగిరెను గగన సీమలో
సూర్యచంద్రులకు ధీటుగ నిలిచి
ప్రకాశించినది ఆకాశంలో

జండా
జై హింద్ అని ఎగరాలి
మన ప్రతిష్ట పెంచాలి