నటీనటులు: ఆర్. నారాయణమూర్తి
నిర్మాత & దర్శకత్వం: ఆర్. నారాయణమూర్తి
విడుదల తేది: 09.04.1999

పల్లవి:
తెగిపడ్డ నింగి చుక్కనా
చెత్తకుండీ కాడి కుక్కనా (2)
ఏ తల్లి కన్న బిడ్డనో
నేను యే అయ్య కన్న కొడుకునో

చరణం: 1
కన్నె తల్లులుగన్న కర్ణులీలోకాన
కుప్ప తొట్టేలకాడ కుక్కలపాలైరి
నమ్మించి నా అయ్య గొంతెట్ట కోసిండో
పదినెలలు నా తల్లి నన్నెట్టా మోసిందో
ఆ నాటి ఆ కుంతీ కర్ణున్ని కనలేదా...
ఏడుస్తావెందుకు ఆ కథ వినలేదా

చరణం: 2
సొంతకొడుకంటూనే సవతి ప్రేమేలమ్మ
చంపినా బాగున్ను కళ్ళు తెరవకముందే
ఓ తల్లి నన్నడుగ నోరెట్ట వచ్చిందే
నా చావు కోరుటకు మనసెట్ట వొప్పిందే
మూడుతలల బ్రహ్మ రాతెట్టా రాసిండో
నీతిలేని మనిషి గీతెట్టా గీసిండో

చరణం: 3
కాలుజారిన తల్లి ఎవ్వర్తో
కండ కావరమెక్కిన తండ్రి ఎవ్వడో
తప్పు చేసినవారు తప్పించుకున్నారు
తలవంపుతో నేను తలదించు కున్నాను
కరుణలేని ఓ తల్లి దండ్రులారా...
నాలాగ ఎవ్వర్ని పారేయకండి