పల్లవి:
కలలో కలనే కన్నాను.. ఆ కలలో నిను కనుగొన్నానే
కలను వదిలి కనబడవే కానుకగా
కలలు గన్న నా మనసుకు చేరువగా
కలలు కన్నాననీ కలను మిగిలించకు ఇలకు చేరాలని నా కలను
కరిగించకు కలత పెట్టే కలను వదిలి ఇలకు చేరే చెలి

చరణం: 1
చిలిపి పెదవిపైన చిరునవ్వు చిందనిస్తే
చిరుజల్లు కురిపినేను చితి నుండి లేచిరానా
కనుకాటుకల్లే నన్ను కరుణించి రాసుకుంటే
కనుపాప లాగా నీతో కలకాలముండిపోనా
నీ తీయని పలుకే నను కోరుకుంటే
కడ వరకు తోడై నేనుండిపోనా
చిత్రమల్లే మెరిసి పోయి స్వప్నమయ్యేవెలా

చరణం: 2
ఆ దేవుడొచ్చి నన్ను వరమంటూ కోరుమంటే
ఏ జన్మకైనా నేను నీతోడు కోరుకుంటా
మరుజన్మ వరకు నేను నిను వీడి ఉండలేను
మరణించి కూడ నీకై మరురూపు దాల్చినాను
కనిపించే రూపం కదలాడు తుంటే
గుర్తించని మనసే వేటాడుతుంది
కలల తీరం పక్కనుందీ ఎందుకీ కలవరం