కొండమ్మో, బంగారపు కొండమ్మా
పిలిచి నపుడు పల్కరు లేవే, అంతు లేని ఆల్కలు లేవే
ఆడవాళ్ళు అంతా ఇంతే లేవే, ఓ రంగుల బొమ్మా

మారయ్యో ఓ టక్కుల మారయ్యో
పెళ్ళి పెళ్ళి అంటారయ్యా బేరాలకు దిగుతారయ్యా
మగవాళ్ళంతా ఇంతేనయ్యా మాట్లాడకయ్యా

కట్నం నేరుగ బేరం చేసిన వాడనా
కన్నారా చూసిన వాడనా బ్రహ్మ దేవుడే రాసుంటాడు
అమ్మ నాన్న ఔనన్నారు
కిక్కురుమనక తల ఊపేను గదమ్మా, తప్పేమిటమ్మా

మాటలు చూస్తే కోటలు దాటును జోరుగా
సొరకాయలు బహు కోస్తారుగా
అందంతోటి పని లేదయ్యా, ఆడది అయితే చాలుగదయ్యా
పైసయిస్తే పల్టీకొడతారయ్యా మి మ్మెరుగుదు మయ్యా

పెళ్ళి పెత్తనం పెద్దల చేతుల్లోనిది, మనబడాయి చెల్లని చోటది
ప్రేమించట మే నా వంతు, ఇక పిల్లల కనడం నీ వంతు
లోకంలోనా జరిగేదే ఈ తంతు ఇది నీకు తెలుసు

పరుల చెప్పినట్లు తైయని
బొమ్మలా - ఆ హా హా బలే దద్దమ్మలా
పప్పుదప్పళం గారండి -- మీతప్పు వొప్పుకున్నారండి
ఇప్పటికైనా కోతలు ఆపాలయ్యా డాబెందుకయ్యా

కొండమ్మో బంగారపు కొండమ్మా
మారయ్యో - ఓ ఏ కే మారయ్యా