నంద గోకులమందు
తిరుగాడిన కన్నయ్యా
పాలు మీగడల మక్కువ తీరక
మాయింట వెలసావా
ఓ ముద్దు లల్లా …..

చిరుచిరు నగవుల కన్నయ్యా
నీ కన్నుల కురిసేను వెన్నెలయ్యా
బుడిబుడి నడకల చిన్ని లక్షితా
అడుగడుగున నీకు శ్రీరామ రక్ష
శుక్లపక్ష చంద్రుడల్లె పెరగాలి నీవు
ప్రతియేటా నీకు జరగాలి పండుగ
పుట్టినరోజు పండుగ …
హేపీ బర్త్ డే లక్షిత్ …
హేపీ బర్త్ డే లక్షిత్ …
హేపీ బర్త్ డే లక్షిత్ …

అమ్మానాన్నకు ఆరో ప్రాణం
అందరికీ నీవు ముద్దుల మురిపెం
నీవు నడచినంతట నందన వనము
దివిలోని దేవతలు ఇలలోని పెద్దల
దీవెనలంది జీవించు నిండుగా …

రోలుకు కట్టని అమ్మ ప్రేమతో
వానను తడపని నాన్న ఛాయలో
కలియుగ దైవము సిరిపతి నీడలో
అడుగు అడుగునా జయ గీతికలతో
విజయుడవై నీవు వర్ధిల్లు లక్షితా …