అలగకే అల్లరి వయసా .. అతనిపై ఇకనైనా
చెలిమినే కోరిన మనసా .. చేరవే తనలోనా
కోపమా నాపైనా !

నా మనసు నీదని మరిచా .. వీడకే కలనైనా
తుదకిలా మోడై నిలిచా .. కరగవే కాస్తైనా
చూపవే నాపై ప్రేమా !

ఇన్నినాళ్ళు నా పయనంలోనా .. గమ్యమొక్కటే ప్రేమనుకున్నా
వేకువల్లే దారి చూపు నిను విడిచానా
నన్ను దాచినా దాగని తపనా .. ఉన్నపాటుగా ఈ ఎదలోనా
వెల్లువాయె పంతమేదో తాకుతు ఉన్నా

కాలమెంతగా గాలమేసినా
చిన్ని గుండెలో ఆశ జారునా
నీడై సాగి నీతో రానా .. ప్రేమే దోబూచులే ఆడినా !

అలగకే అల్లరి వయసా .. అతనిపై ఇకనైనా
చెలిమినే కోరిన మనసా .. చేరవే తనలోనా
కోపమా నాపై ఇంకా !

గువ్వలా నువ్వుంటే .. రెక్కలే అడిగానా
పంజరంలో ఉంచీ .. ప్రేమ అనుకున్నానా
నీ కలకి కాస్తైనా .. నీడలో రాలేనా
నా కనులనే విడిచీ .. నన్ను చూస్తున్నానా
నిజమే తెలిసీ నిలిచానా .. నీలోనా !

నా మనసు నీదని మరిచా .. వీడకే కలనైనా
తుదకిలా మోడై నిలిచా .. కరగవే కాస్తైనా
చూపవే నాపై ప్రేమా !