నేలపై చినుకు పూలు
చీర నేసెలే
చేలపై చిలకపచ్చ
రంగులేసెలే

పిలిచింది నన్ను చిటికేస్తు చిరుగాలే
పసిగువ్వ కన్ను కలిపేస్తూ ఇటు వాలే
ఎటు అడుగేసినా వన్నెలే
ఇల హరివిల్లులే పల్లెలే

యేటిలో ఆటలాడే
చిలిపి చేపలే
తేటితో వరస కలిపే
తేనె పూ పొదలే

ప్రపంచమే సరితూగేనా పల్లెసీమకే
ప్రతీ ఎద పరవశమవదా వారి ప్రేమకే

మనసుల చెలిమే
తరగని కలిమే
ఒకమాట చాలు
పంచుతారుగా ప్రాణమే

సొగసుగ నేలపై చినుకు పూలు
చీర నేసెలే
చేలపై చిలకపచ్చ
రంగులేసెలే

నిరంతరం తోడుగ సాగే ఏరువాకలే
నిశీధినే దూరం చేసె కాంతి రేఖలే

మమతలే మతము
మది అమృతము
ప్రతి గుండెలోన
దాగి ఉందిగా దైవము

కుదురుగ నేలపై చినుకు పూలు
చీర నేసెలే
చేలపై చిలకపచ్చ
రంగులేసెలే