లేరా లేరా లేరా ఓ రైతన్నా
రెక్కల కష్టం నీదన్నా !
దేశానికి రక్షకుడవురాః
నువ్వు లేకపోతే భోజనంబు పూజ్యమేనురా

వరుణ దేవుడు అడగకుండ వర్షం ఇస్తున్నాడు
బసవన్న ఱంకెవేసి ప్రక్కన వస్తున్నాడు
కన్న తల్లి గోదావరి కరుణ జూపుతున్నది
చేలల్లో ధాన్యలక్ష్మీ చిందులు వేస్తున్నది

భూదేవి నిన్ను చూచి పొంగి పోతుంది
ఉప్పొంగి పోతుంది
రత్నాలూ వరహాలు కురిపిస్తుంది.
తానిచ్చే సంపద మారణకాండకు కాకుండా
దేశం కోసం ఉపయోగించి
మంచితనమ్మును పెంచనున్నదీ

కాలం మారింది దేశం మారింది
కాలంతోపాటు అడుగు ముందు వెయ్యవోయ్
నీ శ క్తిని చూపించు నీ హక్కులు సాధించు
విజయము నీదేనోయీ ఎదురు నీకులేదోయీ...