పల్లవి:
తొలికోడి కూసేను తెలవార వచ్చేను
మరుకేళి చాలించి నిదురపో
తొలికోడి కూసేను తెలవార వచ్చేను
మరుకేళి చాలించి నిదురపో
నాదు మొరకాస్త ఆలించి నిదురపో
అందగాడా నిదురపో చందురూడా నిదురపో
అందగాడా నిదురపో చందురూడా నిదురపో
తొలికోడి కూసేను తెలవార వచ్చేను
మరుకేళి చాలించి నిదురపో

చరణం: 1
ఇల్లంతా కడగాలి కళ్లాపి చల్లాలి
ముగ్గులు పెట్టాలి గోపాలుడా
కాఫీలు కలపాలి టిఫినీలు చెయ్యాలి
చెంగు విడిచిపెట్టు గోపాలుడా
చెంగు విడిచిపెట్టి సెలవిచ్చి పంపితే
మాపటేళకు మళ్లీ వస్తాను
తెల్లచీర కట్టి మల్లెపూలు పెట్టి
గుమ్ము గుమ్మను కౌగిలిస్తాను
గుండెలో వలపంతా గుమ్మరిస్తాను
చెంగు వదలర సామి గోపాలుడా
సరుసుడ నా సామి గోపాలుడా

తొలికోడి కూసేను తెలవార వచ్చేను
మరుకేళి చాలించి నిదురపో
తొలికోడి కూసేను తెలవార వచ్చేను
మరుకేళి చాలించి నిదురపో

చరణం: 2
సుప్పనాతి సూరీడొచ్చెను
వెన్నెలంతా ఎర్రాబారెను
మల్లెలన్నీ నల్లాబోయెను కలువకన్నియ
కందీపోయెను కమిలిపోయెను కానుకో
కంటినిండా నిదురకోసం
కాచి ఉన్నది చూసుకో రసికరాజ నిదురపో
ధిక్తన ధిక్తన ధిక్తన ధిన ధిక్తన ధిక్తన ధిక్తన
మూడు జాములు తిరగాలేదు
నాలుగోది పొడవాలేదు
తొందరెందుకు సూరీడా ఎందుకొస్తివి సూరీడా
నిన్నెవరు పిలిచారు సూరీడా
నీకిక్కడేమి పని సూరీడా
నీకెప్పుడేమి పని సూరీడా...
పోరా పోరా సూరీడా రారా రారా సూరీడా
పోరా పోరా...