పల్లవి:
చందమామ లాంటి మోము
నువ్వు పూవ్వు లాంటి ముక్కు
దొండ పండు లాంటి పెదవి
కలువపూల వంటి కళ్ళు
జామపండులాంటి బుగ్గ
బెల్ల ముక్క లాంటి గడ్డం
వలపు శంఖమంటి కంఠం
ఇంకా ఇంకా ఎన్నో ఎన్నో
యవ్వనాల నవనిధులు
కవ్వించి ఊరించి చంపేవన్నీ
ముందు వైపునే ఉంటే నువ్వొక్కదానివే
వెనకనెందుకు ఉన్నావే జడా?

ఆ...ఆ బుగ్గలు సాగదీస్తావ్
ముక్కుని పిండుతావ్
పెదవులు జుర్రుకుంటావ్
గడ్డాన్ని కొరుకుతావ్
ముద్దులు గుద్దులు గిచ్చుళ్లు నొక్కుళ్లు
అదేమిటంటే ఆరళ్లు గీరళ్ళు
శృంగారం పేరుతో గింగిరాలు తిప్పుతావనే
ఇలా.. వెనకాల ఉన్నా
నీ పక్క చూపులు వెనక చూపులు ఎంచక్క కనిపెడుతున్నా
అవసరమైతే పని పడుతున్నా

ఓ వాలు జడా మల్లెపూల జడా
ఓ పాము జడా సత్యభామ జడా
నువలిగితే...నాకు దడా
ఓ పట్టు జడా రసపట్టు జడా
బుసకొట్టు జడా నసపెట్టు జడా
ఇప్పుడేందుకే ఈ రగడా....

ఓ వాలు జడా మల్లెపూల జడా
ఓ పాము జడా సత్యభామ జడా

చరణం: 1
వీపుకి మెడకి భుజములకి తగు అందం తెచ్చే జడా
ఈ తగవులేలనే జడా
కులుకుల నడుముకి వెనకన తిరుగుతు కళకళలాడే జడా
నను కనికరించవే జడా
పిరుదుల బిరుదుల జడగంటలతో జగతికి చాటే జడా
నా పొరపాటేమే జడా
అత్తరి ఇత్తర అనుమానాల తత్తర బిత్తర జడా
ఎద కత్తిరించకే జడా..ఆ ..ఆ

కనికట్టు జడా కనిపెట్టు జడా
పనిపట్టు జడా..ఆ..పనిపెట్టు జడా
నిను విడువని ప్రేమికుడా....

చరణం: 2
వడిసేలల్లే తిప్పితే జడా గుండెలోన దడదడా
ఏ గుబులు రేపకే జడా
నడుము తిప్పుడూ నాగస్వరానికి నాగుపామువే జడా
నగుమోము చూపవే జడా
జెడ కోలాటం సరసమె కానీ జగడము కాదే జడా
నను సరసకు రానీ జడా
జెడని దువ్వని పొగడని మొగుడు జఢపదార్ధమే జడా
నిను దువ్వనీయవే జడా...ఆ..ఆ

కనువిందు జడా నను పొందు జడా
సరసాల జడా ఇక చాలు జడా
ఏనాటికి నీవాడా....జజడాం జగడ జఝడాం...