కృష్ణుడు ముసలి బాహ్మణుడు:
అపాయమ్ము దాటడాని కుపాయమ్ము కావాలి!
అంధకార మలమినపుడు వెలుతురుకై వెదకాలి!
ముందు చూపులేనివాడు ఎందునకూ కొరగాడు!
సోమరియై కునుకువాడు సూక్ష్మమ్ము గ్రహించలేడు!
మత్తువదలరా నిద్దుర మత్తువదలదా!
ఆ మత్తులోన పడితే గమ్మత్తుగ చిత్తౌదువురా!

జీవితమున సగబాగం నిద్దురకే సరిపోవు
మిగిలిన ఆ సగబాగం చిత్తశుద్దిలేకపోవు
అతి నిద్రా లోలుడు తెలివిలేని మూర్ఖుడు
పరమార్ధం కానలేక వ్యర్ధంగా చెడతాడు

సాగినంతకాలం నా అంతవాడు లేడందురు
సాగకపోతే ఊరక చతికిలబడిపోదురు
కండబలముతోటే ఘనకార్మము సాధించలేరు
బుద్ధిబలము తోడైతే విజయమ్ము వరింపగలరు

చుట్టు ముట్టు ఆపదలును మట్టుబెట్ట బూనుమురా!
పిరికితనము కట్టిపెట్టి దైర్యము చేపట్టుమురా!
కర్తవ్యము నీ వంతు కాపాడుట నావంతు!
చెప్పడమే నా ధర్మం వినకపోతే నీ ఖర్మం