నారదుడు:
ఏమిటయా నీ లీల కృష్ణా! ఏమిటయా నీలీల
ఎందులకీ గోల మాయాలోలా

మట్టి బొమ్మలకు ప్రాణముపోసి మతినొసగి మదమత్తులజేసి
అధార్మికుల అణగార్చునెపాన అవతారము ధరియింతువయా

పరమాత్ముడవై నరులవిధాన సరసాల గొడవలో చొరబడియేవు
కన్నియ ఇంట కలతలురేపి కళ్యాణానికే సిద్ధమయేవు

పల్లవి:
(అగ్నిద్యోతనుడు)
కృష్ణా! యదుభూషణా!హేకృష్ణా!యదుభూషణా!
గోవిందా!ముకుందా!హే పావనా!

చరణము: 1
(అగ్నిద్యోతనుడు)
దీనులపాలిట దైవము నీవట అమరులనేలెడి అయ్యవు నీవట!
భక్తకోటికి చింతామణివట నినునెరనమ్మిన లోటేరాదట

చరణము: 2
(అగ్నిద్యోతనుడు)
అఖిలము నెరిగిన అంతర్యామికి వివరించే పని లేదుగదా!
నమ్మిన కొమ్మను ఏలుకొమ్మని కృష్ణా రమ్మని పిలచుట నాభాగ్యమెగా