నందమూరి అందగాడా నేనందుకున్న చందురూడా
కాశ్మీరు కన్నెపిల్లా నే కట్టుకున్న ప్రేమఖుల్లా
ఇద్దరం కలిశాము యీ వేళా.…ఎండలో కాస్తుంది పండువెన్నెలా....
మంచితనం చక్కదనం ఒక్కటైన చోటా
పూస్తుంది దానిమ్మ తోట పూతోట
పడుచుతనం గడుసుదనం పాడేది పాట
పలుకుతుంది ప్రతి పిట్ట నోట
మంచుమీది ఆట మనకు ముచ్చట
మనమంటే మంచుకే ఎంతో ముద్దు
మంచుకొండమీద శివుడు నాట్యమాడినాడు
పార్వతికి తనలోని సగమిచ్చినాడు.
అదే మంచుమీద కలిసి ఆడాము నేడు
ఆది దంపతులం మనం ఏనాడూ
పుటినిలు మెట్టినిలు యీ పడవలోనే
మొదటి రాత్రి పడకటిల్లు కొలనులోనే
ఆకాశం కడుతుంది తారల జలతారు
గులాబీలు చల్లుతాయి పన్నీరు
నీకు నాకు సాటిలేరు ఎవ్వరు
నువ్వూ నేనే ప్రేమకు మారు పేరు ....