వస్తానన్నావు - వస్తే చూస్తానన్నాను
పిచ్చిదాన్ని వచ్చుంటావని నేనే ముందుగ వచ్చాను
వస్తానన్నాను - వ స్తే చూస్తానన్నావు
పిచ్చిదాని కంగారంతా - ముందే వచ్చి చూశాను
మగాడు ముందే రావాలి - ఆడది వచ్చి చేరాలి.
అప్పుడే ఈడూ జోడూ కలవాలి

జన్మలుంటాయి - మన జంట కలిసేందుకు
కాలముంటుంది - మన వెంట నడిచేందుకు
దేవుడుంటాడు రాసిందే రాసేందుకు
ఎవరిచేతవును మన రాత మార్చేందుకు
పవిత్ర ప్రేమకు యిన్నేళ్ళు చరిత్ర రాసిన కన్నీళ్ళు
నిజాలు కావు మనకు - ఆ విషాద గీతాలు
గంగా పొల్లాతో కలవాలి - మన ప్రేమతో
తూర్పు పడమరలు చేరాలి ఒక రంగులో

ముంతాజ్ పుట్టింది - షాజహాను వలచేందుకు
షాజహాను బ్రతికాడు – తాజ్ మహల్ కట్టేందుకు
నీ మనసే నాకు మహలై వుంటే - మరణ మెక్కడిది...
మరణం లేని మమతలకెందుకు మహల్లు కట్టేది
యుగాలు ముందు వున్నాము ముందు యుగాలు వుంటాము
ప్రేమకు వేరే వేరే పేర్లు పెడతామా....

ప్రేమ ఏలాలి దేశాల రాజ్యాంగము
పేద మహారాజు ఎక్కాలి ఒక పీఠము
ప్రపంచమంతా ప్రతిరోజూ వసంత రుతువై పూస్తుంది
అనంతమైన ఆనందం నిరంతరంగా వుంటుంది.