నీ నీడగా నన్ను కదలాడనీ
నీ గుండెలో నన్ను నిదురించనీ
నీ చూపులోన ప్రణయాల వీణ
శతకోటి రాగాలు వినిపించనీ
మై మరపించనీ

జాజులు తెలుపు జాబిల్లి తెలుపు
నను మురిపించే నీ మనసు తెలుపు

కుంకుమ ఎరుపు, కెంపులు ఎరుపు
సుధలూరే నీ అధరాలు ఎరుపు
అనురాగాలే అనుబంధాలె
నిన్ను నన్ను ముడి వేయనీ
మది పాడనీ

హరివిలు చూశా, నీ మేను చూశా
హరి విల్లులో లేని హోయలుంది నీలో
సెలయేరు చూశా, నీ దుడుకు చూశా
సెలయేటిలో లేని చొరవుంది నీలో
తీయని చెలిమి తరగని కలిమి
మనలో మదిలో కొనసాగనీ ఊయలూగని