పల్లవి:
ఎడమొగం పెడమొగం ఏంది ఈ కత
ఉలకరూ పలకరూ ఏంది ఈ జత

చరణం: 1
పాల గువ్వలాంటి పసందైన చిన్నది
మొగలి పూవులాగ మొగం ముడుచు కున్నది
అందగాడి పచ్చనైన పసిడి బుగ్గలు
మందార పూలలాగ కందెనెందుకో
ఇది సిరాకో పరాకో గడుసరి అలుకో

కోరి కట్టుకున్నదని ఏడిపించక
అలుసుచేసి ఆడితే అందదు సిలక
ఆడదాని దోర మనసు వెన్నలాంటిది
ఆశ తెలిసి మసలితే కరిగిపోతది
ఈ సిరాకూ పరాకూ ఎగిరి పోతది

ఆలుమగల తగవు రచ్చకెక్క కూడదు
పటు విడుపు లేకుంటే మనువే కాదు
వగలు చూపి పడుపుగా వల విసరాలి
మగవాడిని నీ కొంగున ముడివెయ్యాలి.
నా పలుకులోని కిటుకును తెలిసి మసులుకో