నేనా... పాడనా పాట
మీరా... అన్న దీమాట
నీ వదనం భూపాలము
నీ హృదయం ధృవతాళము
నీ సహనం సాహిత్యము
నువు పాడిందే సంగీతము

ఇల్లే సంగీతము
వంటిల్లే సాహిత్యము
ఈ పిల్లలే నా సాధనం
ఇంకా... వింటారా నా గానం

ఊగే ఉయ్యాలకు
నువు పాడే జంపాలకు
సరితూగదు ఏ గానము
నీకెందుకు సందేహము

ఉడకని అన్నానికి
మీకొచ్చే కోపానికి
ఏ రాగం బాగుండునో
చెప్పే త్యాగయ్య మీరేగా

కుతకుత వరి అన్నం
తెతకతకమను నాట్యం
ఏ భరతుడు రాసింది.
నీకా పదునెటు తెలిసింది.